Английн цомын 4-р шатанд цомыг хамгаалагч Челси золтой л ялагдчихсангүй. Өнгөрсөн жилийн аваргууд Эвертонтой энэ шатанд оноолт таарч тоглосон. Гүүдисон парк цэнгэлдэхэд болсон тулааны 62 дахь минутад Луйс Саа булангийн цохилтыг Чехийн хаалганд чихэж баг нь тэргүүлж эхэлсэн. Карло энэ гоолоос нэг их удалгүй Соломон Калуг талбайд сэлгээгээр оруулсан нь тун оносон шийдвэр байлаа. Кот”д Ивуар залуу 75 дахь минутад тэнцээний бөмбөгийг багтаа авчирсан. Шеймус Коулманы тун аюултай довтолгоог Петр Чех хичээж байж хаагаагүй бол Челси ялагдаж ч магадгүй байсан. Челсигийн алдсан хамгийн сайхан боломж Рамиресийн хаалганы шон оносон цохилт байлаа. Челси болон Эвертоны хооронд явагдсан сүүлийн 6 тоглолтын 4 нь тэнцээгээр өндөрлөж байна.
Лондоны баг энэ тоглолтод үндсэн бүрэлдэхүүний талбайд гаргасан бөгөөд ийнхүү тэнцсэнээр хариу тоглолтыг Стэмфорд бриджэд хийх боллоо. 2 сарын 19-нд энэ тоглолт явагдах болно.
Ман Юнайтед энэ хооронд Английн чансаагаараа 3-р лигийн Саутхэмптон багийг зовж байж яллаа. Ричард Чаплоугийн 45′ дахь минутад хийсэн гоол Улаан чөтгөрүүдийг багагүй сандаргасан. Одоогоос 20 гаран жилийн өмнө 1976 оны ФА цомын финалд Саутхэмптон МанЮ-г 1 гоолор ялж аварга болж байсан түүх бий.
Гэхдээ Сер Алексийн залуус эргэн ирэлт хийх аргаа мэдэж байлаа. Яг л долоо хоногийн дундуур Блекпулийг буулган авсан шигээ тэд тун тайван тоглож эхлээд 65 дахь минутад Майкл Оуэн, 75′ дахь минутад Чичарито нар гоолдож багаа ялалтад хөтөлсөн.
Удаан хугацааны бэртлээсээ эргэн ирээд удаагүй байгаа Оуэн 2011 оны анхны гоолоо энд хийлээ:
Энэ өвөл Данийн лигээс ирсэн шинэ хаалгач Андерс Линдегор МанЮ-гийн өмсгөлтэй анхны удаагаа талбайд гарсан. Нэгэнт алдах зүйлгүй учраас доод лигийн багууд ФА цомд бүх хүч чадлаа дайчлан тоглодог. Энэ удаа ч Саутхэмптон МанЮ-гаас цохилт, өрнүүлсэн довтолгооныхоо тоогоор илүү байсан. Гэвч ялалт авч чадсангүй. Сент Мэригийн цэнгэлдэхэд 28,792 үзэгч тоглолтыг үзжээ.
Астон Вилла Блекбернийг 3 : 1-ээр ялсан. Робер Пирес Виллагийн төлөөх анхны гоолоо энэ тоглолтод хийсэн.
Пирес өмнө нь 11 удаа ФА цомд гоол хийж байсан. Хамгийн гоолдох дуртай баг нь Блекберн бөгөөп 3 дахь удаагаа цомд тэдний хаалгыг мялаалаа.
Энэ жилийн ФА цомд лигийн бус сонирхогчидын баг тун сайн тоглож байна. Тухайлбал сонирхогчидын Кроули Таун баг энэ жил шөвгиайн 16-д үлдэж чадлаа. 1945 оноос хойш ердөө 5 удаа л лигийн бус сонирхогчидын баг ийм амжилт үзүүлсэн юм.
Өнөө шөнө ФА цомын 4-р шатны үлдсэн тоглолтууд явагдана.
АРСЕНАЛ – ХАДДЕРСФИЛД
АСТОН ВИЛЛА – БЛЭКБЕРН – 3:1
БИРМИНГЕМ – КОВЕНТРИ – 3:2
БОЛТОН – УИГАН – 0:0
БЕРНЛИ – БЕРТОН – 3:1
ВУЛВЕРХЭМПТОН – СТОК СИТИ
ЭВЕРТОН – ЧЕЛСИ – 1:1
ФУЛХЭМ – ТОТТЕНХЭМ
НОТТС КАУНТИ – МАНЧЕСТЕР СИТИ
ШЕФФИЛД УЭНСДЕЙ – ХЕРЕФОРД – 4:1
САУТГЕМПТОН – МАНЧЕСТЕР ЮНАЙТЕД – 1:2
СТИВЕНЕЙДЖ – РЕДИНГ – 1:2
СУОНСИ – ЛЕЙТОН – 1:2
ТОРКУЭЙ – КРОУЛИ – 0:1
УОТФОРД – БРАЙТОН – 0:1
ВЕСТ ХЭМ – НОТТИНГЕМ ФОРЕСТ
No comments:
Post a Comment